Fermandaranê Yewînanê Cinîyan ê Şengalî (YJŞ) Axîne Întîkam 8ê Adare Roja Cinîyan ê Kedkaran a Dinya yê cinîyanê êzidîyan fîraz kerd ke fermanî ra çar hetanê dinya de vila bîyî.

Întîkame vat: ''Seba ma 8ê Adare têna bi rojêke nêno sînorkerdene. Têkoşîn prosesêko bêmabên o. Cinîyê ke hetê dişmenanê kurdan ra ameyî esîrkerdene xo ver danê. Ma hem zere hem zî teber de vera dişmenanê xo xo ver danê, têkoşîn kenê û ma do nê têkoşîn dewam bikerê. Verê çimanê dinya cinîyê êzidîyî ameyî qirkerdene. Cinîyê dinya eşkenê  xo rêxistin bikerê û wayîrê cinîyanê bindestan bivejîyê ke verê qirkerdişan bigêrê.''

Şerwana YJŞyî Çîçek Çîya vat: ''Verî ke ma fikr û felsefeya Rayber Aoyî nas nêkerdêne hayîya ma pê na roje çinbî. Labelê hînî ma sey şehîde Sarayan xoverdayox û têkoşer benê û na roje fîraz kenê.''

Şerwanê YJŞyî Hebûn Çîya vat: ''Seba ke ma manaya 8ê Adare bîyarê ca ma xoverdayîş de ca bigêrê û ma do xoverdayîş xurt bikerê.''