Merkezê Cigêrayîşanê Warê Sosyo-Poltîkî derheqê serebûtanê şîdetê vera cinîyan û domanan de ke çapemenîye de ca girewt cigêrayîş kerd.

Cigêrayîş serebûtanê mabênê 1ê çeleyê 2019î û 1ê çeleyê 2020î ser o ame kerdene. Merkezî da zanayene ke mabênê nê wextî de 2 hezar û 563 serebûtê şîdetî çapemenîye de ameyî weşanayene. Merkezî îfade kerd ke Amed de 38 serebûtê şîdetî çapemenîye de weşanîyayî labelê rêxistinanê komelkîyan eşkera kerd ke raştîye de 1792 serebûtê şîdetî Amed de qewimîyayî. Cigêrayîş de dayîya zanayene ke rêjê xokiştişî rayaumûmîye reyde nêame parekerdene. Cigêrayîş de wina ame vatene: ''Seke mîsalê Amedî de yeno dîyene, hûmara serebûtanê şîdetî ya ke hetê rêxistinanê komelkîyan ê sivîlan ra ameye tesbîtkerdene 1792  ya la çapemenîye de hûmare sey 38 ameye mojnayene. No zî nîşan dano ke serebûtê şîdetî qasê 47 qatî hûmara ya ke çapemenîye dana ra zêdêr ê.''