Afrîkaya Başûre seba cinîyan dinya de welatanê tewr bitehlukeyan ra yew a. Rojnameyê The Citizen ê Johannesburgî vat, “Goreyê îstatîstîkanê peyênan her roje tewr tay hîrê cinîyî rîyê şidetê mêrdeyê xo ra cuya xo vînî kenê. No yew zî ramojneno ke şideto cinsî resayo dereceyêka bitehlukeye.”

Goreyê rojnameyî şidetê hemverê cinî û domanan nê des serranê peyênan de zêde bi. Afrîkaya Başûre de nisbetê kiştişê cinîyan goreyê nisbetê nîmeyê dinya ra panc qatî zêdeyêr o. Goreyê raporê serraneyî yê South African Board for People Practices (SABPP), her panc cinîyanê Afrîkaya Başûre ra yewe mexdûra şidetê fîzîkkîyî ya. Herêmanê ke ameyeyê ci kemî yo de her hîrê cinîyan ra yewe mexdûra şidetê fîzîkkîyî ya.