Almanya de panelê 25ê Teşrîna peyêne

Bajaranê Wuppertal û Grevenbroichî yê Almanya de çarçiweya 25ê Teşrîna peyêne Roja Paştdayîş û Mucadaleyê Mîyanneteweyîye ya Vera Şîdetê Serê Cinîyan de panelî ameyî viraştene.

Bi wesîleya 25ê Teşrîna peyêne Roja Paştdayîş û Mucadaleyê Mîyanneteweyîye ya Vera Şîdetê Serê Cinîyan Bajaranê Wuppertal û Grevenbroichî yê Almanya de panelî ameyî organîzekerdene.

Wuppertal de hetê endamanê Meclîsê Cinîyan ê Vîyanî ra panelêk ame organîzekerdene. Komela Utamara ra Zubeyde Temele sey qiseykerdoxe tewrê ci bîye.

Temele şîdetê serê cinîyan sey polîtîk name kerd û hemverê naye de bale ante muhîmîya xoverdayîşê cinîyan ser û va: ‘‘Mucadeleyê cinîyan cayî ra bi girdbîyayîşî ver bi unîversalî şino. Seserra 21. do ê cinîyan bo.

Temele perspektîvê Rayberê Şarê Kurdî Abdullah Ocalanî zî vist vîrî û vat ke cinîyê kurdan ewro bi nê perspektîfan hemverê modernîteya kapîtalîstî de mucadele kenî.

Bajarê Grevenbroichî de zî Komunê Cinîyan ê Tîjda Ekecîke panelêk organîze kerd. Panel de Reyhan Dersime ya aktîvîste şîdetê serê cinîyan û muhîmîya organîzebîyayîşê cinîyan ser o qisey kerd.