Ame zanayene ke pêro cinîyê tepişteyî yê sîyasîyî yê ke Zîndanê Amedî yê Tîpê E’yî de mendêne vizêr Zîndanê Amedî yê Tîpê D’yî rê ameyê sewqkerdene.

Mîyanê kesanê ke ameyê sewqkerdene de rojnamegere Kîbrîye Evrene, Hîlal Olmeze û Evîn Kaya yê ke grevê vêşanîye yê bêdem û bêagêrayîşî de kewtê roja 137’ine zî estê. Ame zanayene ke tepişteyî bi wesayîtanê rîngî ameyê berdene la nêame zanayene kamcîn şertan de ameyê berdene. 16’ê Kanûne de 3 cinîyanê tepişteyanê ke Zîndanê Amedî yê Tîpê E’yî de mendêne seba ke paştî bidê çalakîya Leyla Guvene dest bi grevê vêşanîye kerdibi, 1’ê Adare ra nata zî xeylî tepişteyî tewrê çalakîye bibî. Bi sewqkerdişê peyênî Zîndanê Amedî yê Tîpê E’yî de tena tepişteyê edlîyî mendî.