Merdimê tepişteyanê ke domanê înan zîndan de semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye de yê waşt ke vernîya Zîndanê Amedî de eşkerayîya çapemenî bidê. Polîsan destûr înan nêda û bi derbkerdişî kerdî wesayîtan û verê zîndanî ra berdî.  Dayîkan  vernîya banê Meclîsê Dayîkan ê Aşitîye yê Baglarî de dest bi çalakîya roniştişî kerde. Yeno pawitene ke dayîkî tîya eşkerayî bidê.