Çewlîg de cinîyêka ciwane qata 4. ra ginaye erd ro merde, Amed de zî cinîyêke pencera ra xo eşt war.

Goreyê zanayîşanê ke ameyî girewtene taxa Bahçelîevlerî yê Çewlîgî de cinîyêka ciwane C.Y. (19) qata 4. ra ginaye erd ro û dinyaya xo bedilnaye. Nêno zanayene ke serebût qeza yo yan zî xokiştiş o. Derheqê serebûtî de tehqîqatêk dîya destpêkerdene.

Taxa 5ê Nîsane ya qezaya Baglarî ya Amedî de ame îdîakerdene ke cinîyêka ke nameyê ci nêna zaneyene xo kişt. Goreyê zanayîşan cinîye xo penceraya dayîreyê xo ra eşt war û bi giranîye birîndar bîye. Dima ke cîrananê ci xebere daye servîsê lezabezî, cinîye rê cayê serebûtî de mudaxele ame kerdene û dima wedarîye nêweşxane. Ame zanayene ke seba ke îfadeyê înan bêro girewtene endamê keyeyî ameyî berdene bi qereqol.  Rewşa weşîye ya cinîye hema zî binê tehlukeyî de ya.