Endama Rayberdişê KJK’yî Ayten Amede bi nameyê Têgêrayîşê Azadîye yê Cinîyan  grevê vêşanîye yê ke rayberîya cinîyan de ameyî destpêkerdene silam kerdî û semedê wayîrvejîyayîşî veng da.

Amede  grevê vêşanîye sey PKK û tarîxê xo rê giredayîye name kerdî û va: ‘‘No xeverdayîş sey tarîxê PKK’yî yo. Wextanê krîtîkan ê Tarîxê PKK’yî de miheqeq yew vejîyo û rayberîye kerda. Senî ke Zîndanê Amedî de vera faşîzmî Kemal Pîr, Xeyrî Dûrmûş û embazanê înan bi çalakîya xo sey şoleya azadîye resayî azadîye, ewro zî rayberîya Leyla Guvene de vera faşîzmê AKP-MHP’yî  mucadele ameyo despêkerdene. Çalakîya ke 7 hezar kesî bîyê yew îrade, tarîxî de verên a.‘‘

Amede vist vîrî ke îqtîdaro faşîst  weçînitişê 31’ê Adere de vîndî kerd û wina dewam kerd: ‘‘Vinkeridşê AKP’yî bi çalakîyan bi. Bi mîlyonan kesî AKP’yî ra vanê nê la ê rixmê naye wazenê îqtîdarê xo bidê domnayene. Erdogan Kurdistan de cayê ke rijnayî, ser û bin kerdî, şarê Kurd ci ra veto û hêzê dewlete tede ca kerdî, sey serkewtişê xo ramojneno. La Erdogan xo xapîneno. No serkewtiş nîyo. Senî ke wextê Sadam Huseyînî de  Iraq de xeta 36. de bi polîkaya erebkerdişî şarê Kerkukî ame surgunkerdene, polîtîkaya Erdoganî zî na ya.‘‘

Amede bale ante serê  çalakîyê wayîrvejîyayîşê dayîkan  û bi nê vatişan qiseykerdişê xo qêdîna: ‘‘Ganî  paştî bidoyo nê çalakîyan. Tena bi yewbîyayîşî Tirkîya eşkena na tengayî ra bivejîyo.Welatperwerî eşkenê welatî na rewşa krîtîke ra bixelisnê. Ganî şarê Tirkî paşt bido xoverdayîşê grevê vêşanîye.Tewrê çalakîyanê dayîkan bibê. Rayîrê xelisyayîşî tena yewbîyayîşî o. 7 hezar kesan bedenê xo dayê verê vêşanîye. Vera naye bêvengmendiş xîyanet o. Ganî her kes vera faşîzmê îqtîdarî çîyêk bikero.''