Nazli Solgun Îdir de serra 2010î de ameye destbendkerdene. Solgune rê bi îdîaya ''endamîya rêxistine'' cezaya 12 serran ameye dayene.

Wexto ke Solgune zîndan de bîye edaletê tirkî derheqê ci de dewaya 'KCK'yî zî akerde û 10 serrî ceza na dewa ra zî daye ci.Solgune têna eşkayêne tewrê roniştişan biba. Bira derheqê ci de ameye dayene rîyê ci rê nêameyî wendene. Dewletena rey Solgune surgun kerd. Solgune 12 serran ra nata tepişte ya û zaf zîndanan de ameye surgunkerdene. Wan, Cedlîs, Erzirom, Xarpêt, Tarusî ra dima surgunê Zîndanê Kayserî bîye. Meseleyê giranî yê weşîye Solgune de vejîyayî. Bedenê ci de kîst esto, astim û bronşîtê ci esto...Keyeyê ci semedê nêweşîya ci ra waşt ke Solgune nêzdîyê înan de biba. La dima ke Solgune amelîyat bîye Tarsusî ra surgunê Kayserî bîye.

Avûkat Engîn Kizilayî derheqê rewşa weşîye û huqûqî ya Solgune de zanayîşî dayî û îfade kerd ke Solgune tewrê roniştişan nêna kerdene, cezaya ci rîyê ci rê nêameye wendene û nêverdenê avûkatî zî tewrê roniştişan bibê.Kizilayî vat: ''Tîya de bêhuqûqî esta ganî Solgune cade bêra veradayene.''

Waya Solgune Bîrgule Solgun vat: ''Nazli merdimêka rûmetên a û coka ci rê hende xirabîye kenê. Ganî rayaumûmîye cade seba ci têbigêra.''