Rayberîya dezgahanê cinîyan ê Berlinî de  bi rayraşîyayîşêkî  Îran ame protestokerdene. Çalakîye dest pêkerde.

Çalakîya ke  Hermanplatzî de ameye kerdene, seba kesanê ke hetê rejîmê Îranî ra ameyî qetilkerdene û pêro şehîdanê şorişî bi deqayêkê rêzgirewtişî dest pêkerde. Çalakîye de nameyê Meclîsê Kurdistanijan ê Azadan ê Berlinî, Meclîsê Cinîyan ê DEST-DANî, Cinîyanê Kurdan ê Rojhelatî, temsîlkaranê Têgêrayîşê Cinîyan ê Şorişgêran ê Tirkîya, Cinîyanê Almanan, temsîlkaranê antîfaşîstan û şarê Îranî ser o qiseykerdişî ameyî kerdene. 

Qiseykerdişan de bale ameye antene 25ê Teşrîna Peyêne û caardişê rejîmê Îranî ser o û teror û qirkerdişê komelî ameyî protestokerdene. Qiseykerdişan de hêrişê Rojawanî, Şengalî Rojhelatî û şîdetê vera cinîyan ameyî şermezarkerdene û şehîdê têkoşînê azadîye sey Sakîna Cansiz, Hevrîne Xelef û Zeyneb Celalîyan ameyî yadkerdene. Çalakîye de fotografê cinîyanê Îranî û kesanê bînan ê ke Rojawanî de hetê Dewleta Tirke û cerganê aye ra ameyî qetilkerdene ameyî kiriştene. Çalakîye bi rayraşîyayîşê ver bi Kattbuser Torî qedîyaye.