Herêma Saratovî ya Rûsya de cinîyê kurdî dewa Timonioyî ya qezaya Dergaçiyî de kom bîyî û înan serrgêra 22. de Komployê 9ê Teşrîna Verêne yê vera Rayberê Şarê Kurdî Abdullah Ocalanî şermezar kerd. Cinîyan waşt ke tecrîdê vera Abdullah Ocalanî biqedo û seba pêvînayîşî destûr bêro dayene keye û avûkatan.

Nameyê cinîyanê Timoninoyî ser o endamanê Têgêrayîşê Cinîyan ê Kurdan ê Mîyanneteweyî (TJKN) Tewret Yusubova û Tahmîne Yusubova qisey kerd. Cinîyan ard ziwan ke hêrişê dewleta tirke dewamê komployî yê. Cinîyan hêrişê vera çar parçeyanê Kurdîstanî şermezar kerd û da zanayene ke ê do vera dewleta tirke têkoşînê xo dewam bikerê.