Cinîyan ê neteweyanê cîyayan paştdayîş da Leyla Guvene

Cinîyan ê neteweyanê cîyayan ê Soderhamnî ra, pîrozkerdişê 8’ê Adare Roja Cinîyan a Mîyanneteweyîye de nimûneyêko weş ê paştdayîşî ame ramojnayene.

Komela Cinîyan a Arîn Mîrkane û şaredarî û komelanê cinîyan ê Efrîka, Asya û Rojakewtena Mîyanêne qezaya Soderhamnî ya paytextê Swêdî Stockholmî de, çalakîya 8’ê Adare viraşte.

Komela Cinîyan a Arîn Mîrkane ra Halîme Aldûre çalakîye de qisey kerd û qalê  têkoşînê cinîyan ê kerdkaran kerd û bale ante serê rewşa netîceyê Kurdistanî û Rojakewtena Mîyanêne.

Aldûre va: ‘’ Cinîyê Kurdî yê YPJ'î yê ke Rojawan de vera DAÎŞ'î şer kenê, destan nuşto û serkêşîya cakerdişê sîstemê têduştî û ekolojîkî kenê. Tecrîd şexsê Ocalanî de vera heme Kurdan yeno kerdene. Tecrîd vera ziwan, kultur,  nasname û estbîyayîşê şarê Kurdan o. Leyla Guvene vera tecrîdî xo ver ro da û serkêşîya xoverdayîşî kerdo ke çar hetanê dinya ra vila bîyo. Ma; cinî hêzdar ê û pîya ma eşkenê xurtir bibê.”

Berfîn Yenîgune zî vengdayîş sîyasetmedar û temsîlkaranê rêxistinanê girseyî yê ke Soderhamnî de yê kerd ke şarê Kurdî reyde paştdayîşî xurt bikerê û paşte bidê çalakîya Leyla Guvene. Temsîlkarê rêxistinanê cinîyan zî da zanayene ke ê paştdayîş danê şarê Kurdî. Seba Guvene û xoverdayoxanê grevê vêşanîye zî peyema paştdayîşî daye.Semînerê şewêk ra dima cinîyan pîya Roja Cînyan a Mîyanneteweyîye pîroz kerde.