Cinîyan Kerkûk de bi wesîleya 8ê Adare Roja Cinîyan ê Kedkaran a Dinya eşkerayîyêke daye çapemenîye. Kombîyayîş de rewşa xirabe ya cinîyanê Kerkûkî ameye vatene û waştişê seba caardişê dadperwerîye û têdûştîya her di cînsan ame kerdene.

Temsîlkarê rêxistinanê komelkîyan ê sivîlan Hana Şikur eşkerayîye wende. ''8ê Adare emser wextêkê winasênî de yo ke welatê ma seba reform, dadperwerîye û vurnayîşê komelkîyî, têdûştîye û cuyêka serfîraze rewşêka musaîde de yo.  Na rewşe de cinîyan wezîfeyê giranî girewtî xo milî. Cinîyan waştişê başkerdişê rewşa komelkî, ekonomîkî, sîyasî kerdî. ''

Eşkerayîye de nê watişî ameyî waştene:

1- Seba awankerdişê dezgehêkê xoserî yê cinîyan wa xebate bêra kerdene.

2-Seba qanûnê şîdetê vera cinîyan wa bire lez bêra girewtene

3- Seba cinîyanê ke maruzê şîdetî manenê cayêkê tabetî awan bibê

4- Seba têkoşînê vera şîdetê serê cinîyan planî bêrê kerdene
5- Bi rayîrê dayîşê kredîyan rewşa cinîyan bêra başkerdene