Meclîsê Cinîyan ê Partîya Şaran a Demokratîkî (HDP) semedê şermezarkerdişê tecrîdê serê Rayberê Şarê Kurdî Abdullah Ocalanî û paştdayîşê grevê vêşanîye Meydanê Esenyurtî yê Stanbolî de çalakîya rêzila merdimî viraşte.

Çalakîya ke bi seyan cinîyî tewrê ci bîyî pankarta, ‘Tecrîd sucê merdimîye yo‘ ameye akerdene. Cinîyan şexsê Leyla Guvene de grevê vêşanîye silam kerdî û hêrişê polîsan ê vera dayîkan şermezar kerd. Dorme ra şarî zî zaf eleqe ramojnaye çalakîye û paştî daye ci.