Komîteya Cinîyan a Meclîsê Sivîlan ê Reqa ke pê projeyanê perwerdeyî ke armancê înan cînîyan banderê wendiş û nuştişî bike ser kewtê û eynî wextî de pê projeyanê xo yê cayanê cîyayan ê taxanê şaristanî de xîret kenê ke cinîyî hetê aborî ra zî xoser bê.
Komîteya Cinîyan a Meclîsê Sivîlî yê Reqa kombîyayîşê xo yê 1'ê Teşrîna Verêne yê 2018 de seba ke cinîyî her cayê cuye de aktîf rol bigerê û linganê xo ser vinderê qerarê girîngî girewtibi. Bi nêqeraran zafê projeyê sey qursanê wendiş û nuştişî, projeyê zîretî ameyî viraştene.
Keda Hempare, Parbekerdişo Têduşt
Hetê bînî ra seba ke dadîyê şehîdan hewcedarîyanê xo yê rojane hal bike , Taxanê El-Ferdos û El-Qiwetlî de û parka El-Beyda de hîrê îmalatxaneyê şîranîye ameyî akerdene. Her yew îmalatxane de çar hebî cinîyî xebetîyenî û se ra 50'ê karê pereyî mabênê cinîyan de yenê parekerdene. Komîte seba cinîyanê ke dewe de ciwîyenî, firsendê karî bêrê viraştene, 20'ê Gulana 2019 de dest pê projeyê zîretî kerd.
Projeyê Amayoxî
Komîteya Cinîyan a Reqa netîceyê projeyan ser xebetîye û qerar da ke na reye projeyê winasinî dewanê Reqa de bikê. Komîte wazena ke nê wareyan de projeyanê cîyayan ê zîretî biviraze.
