Gerîlayanê YJA-Starî bi wesîleya serrgêra şehadetê Gulnaze Karataş (Bêrîtan) û artêşbîyayîşê cinîyan ANFyî rê qisey kerd.

Gerîla Stêra Sîser vat: ''Şehîde Bêrîtane mojna ke cinîyî eşkenê vera artêşa dewleta tirke û pêro dinya şer bikerê. Coka ma na roje sey roja artêşbîyayîşê cinîyan fîraz kenê. Şehîde Bêrîtane fikrê komelî yê serê cinîyan zî vurna. Ma deyndarê cinîyanê sey Bêrîtane, Sara, Delal ê ke kede daye nê şorişî. Ma kenê ke bibê layîqê înan. YJA-Star zî do keweno serra 30. Nê 30 serran de vera mezgê serdestîya camêrdan têkoşînêko pîl ame kerdene. Cinîyî çeperan de sey Bêrîtane têkoşîn kenê, teslîmyetî qebul nêkenê. Embaze Sara û Rûken ê ke çalakîya Mersînî kerdbî, teqîbkerdoxê şehîde Bêrîtane yê. Dewlete çend hêriş bikera zî do nêeşka teqîbkerdoxanê Bêrîtane biqedîna.''

Gerîla Çavrê Zagros vat: ''Na menge hem menga şehadetê embaze Bêrîtane hem zî menga artêşbîyayîşê cinîyan a. Ma bi felsefeya Rayber Apoyî ciwîyenê û şer kenê. Ma sey gerîlayanê YJA-starî heta azadîya Rayber Apoyî û şarê xo şer bikerê. Gerîlayê YJA-Starî bi nê erk, mîsyon û mesuldarî têgêrenê. Nika waranê şerî de embazê ma bi fedayîtî şer kenê. Ganî her kes ney hîs bikero û goreyê ci têkoşînî pîlêr bikero.'' 

Gerîla Çekjîne Delîl vat: ''Şehîde Bêrîtane vera îxanet û teslîmîyetî ganê xo feda kerd. 30 serrî yo cinîyî serê rêçê Bêrîtane, Sara û Delalan de şinê. Ma do nê têkoşînî pîlêr bikerê. Bi artêşbîyayîşê cinîyan cinîyî hînî her ca de têkoşîn kenê. YJA-Star hêzo fedayî yê Rayber Apoyî û pêro dinya yo. Ma serrgêra 30. ya YJA-Starî fîraz kenê. Ma do nê şerî biresnê serfîrazîye û pêro waştişanê şarê xo bîyarê ca.''