Amed de cinîyî bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan serkêşîya Platformê Cinîyan ê Amed Dîcle (DAKAP) de vejîyayî waran.

Cinîyê ke Çatrayîrê Dinya de ameyî têhet  bi pankartan û dovîzanê "Bi jin jiyan azadiyê ber bi 25'ê Mijdarê ve" û "Bi jin jiyan azadiyê ber bi azadiyê"  rayra şîyî û bi slogananê , "Jin jiyan azadî",  "Xoverdayoxanê Rojawanî rê hezar selamî",

serokatî re azadî”, “Bijî berxwadana zindana”, "Erdogano kiştox do hesab bido", "Bîji berxwedana jinan",  “ Cinîyî şer nêwazenê” û " Cinîyî do dewlete ra hesab bipersê" qîrayî.

Cinîyî bi deyîranê kurdkî dest pê govende kerd. Polîsan waşt hêriş bikerê.Cinîyan bi tilîlîyan cewabê polîsan da. Cinîya dima ra nameyê cinîyan  ke ameyî qetilkerdene wendî û yew fekî ra vat “tîya de ya”.

Endama DEKAPî Guneşe Ozal eşkerayîye wende. Ozale ard ziwan ke îqtîdar serê qirkerdişanê vera cinîyan geno û vat herinda çareserkerdişê problemanê şîdetî yê vera cinîyan de verê şîdetî akeno.

Vervatoxa Meclîsê Cinîyan ê HEDEPî Halide Turkoglu zî vera qerarê qedexeyî hêrsê xo ard ziwan û vat ê qedexeyan nas nêkenê.

Badê  eşkerayîye cinîyan waşt rayra şirê la polîsan destur nêda.Cinîyan israr kerd û ambênê cinîyan û polîsan de pêrodyayîş vejîya. Cinîyan bi tilîlîyan û  slogananê "Jin jiyan azadî", "Cinîyan rê nê kiştoxan rê barîkat" cewab da. Polîsanê ke cinîyî girewtî binê ablûqa hêriş rojnamegeran kerd û Aklime Hanas û di cinîyê bînî bi îşkenceyî destbend kerdî.

Çewlîg de zî cinîyî verê banê HEDEPî de ameyî têhet. Wekîla HEDEPî ya Mêrdînî Salîha Aydenîz tewrê aktîvîte bîye.

Muş de zî bi wesîleya 25ê Teşrîna Peyêne banê HEDEPî de eşkerayîye ameye dayene.

Reyna Colemêrg, Riha, Sêrt, Meletî, Dîlok, Semsûr, Mêrdîn û xeylêk bajaranê bînan ê Kurdîstanî de bi wesîleya Roja Têkoşînê Vera Şîdetê Serê Cinîyan cinîyî vejîyayî waran û vera şîdet û şerî mesajê xurtkerdişê têkoşînî dayî.