Karkera fabrîkaye Selen Çolake vat krîzê ekonomî tewr zaf cinîyan ser o tesîr kerdo û vat, “Dimayo ke problemê debare qewimîya, barêko giran o psikolojik zî ma ser o bi zêde. Zêdebîyayîşê vaya çîyan, zêdebîyayîşê nisbetê enflasyonî bi sebeb ke ma hendî nêeşkê seba xo çîyêk bikerê. 1’ê Gulane de waştişê ma yo tewr muhîm do wayîrvejîyayîşê tazmînatê qidemî bo. Ma wazenê ke seypêyîya destheqî virazîyo, seypêyîya îmkan û xebate virazîyo. Ma nêwazenê faturaya krîzî bidê.”

Şevîn Acem a ke maya 2 domanan a, ê cinîyan ra yew a ke neçar a hem gureyê keyeyî bikero hem zî teber de bixebetîyo û debara keyeyî bikero. Aceme vat krîzî tewr zaf cinîyan ser o tesîr kerdo û vat, “Seba ke ma bieşkê bedelê keda xo bigêrê, ma bişewe û biroje xebate kenê. Hetêk ra ma mecbûr manenê fek domananê xo ra vera bidê û neçar ê ke bixebetîyê û debara xo bikerê. No hal seba ma heme cinîyan wina yo.”

Çîgdem Karahane hem mayêk a û hem zî mamosteyêka nêameya tayînkerdene ya. Karahane veng da bi hezaran mamosteyanê ke nênê tayînkerdene ke vejîyê meydanan û vat, “Seba çîyê ke ameyî sereyê mi nêrê sereyê domananê mi, ez do mücadele bikerî û heqanê xo ra fek vera nêdî.”

Maya 2 domanan Anî Bayrame zî vat, “Keye de karê şitişê kincan, firaqan, weyîkerdişê domanan û muqayetbîyayîşê nêweşan kare min ê ke nênê dîyene. Xeylî cinîyî nêzanê ke na ked a… 1’ê Gulane de ez do pîya bi domananê xo meydanan de bî. Ez veng dana bi hezaran cinîyan ê ke sey min ê vejîyê meydanan.”

Derya Çîçek a ke muşawira malî ya, ard vîrî ke nîmeyê nufûse cinî yê û vat, “A game ganî heq û karan de zî ganî seypêyîye estbo.