Hêzê Pawitişê Cimatkî yê Cinîyan (HPC-Jin) seba ke cinîyî linganê xo ser vinderê, ê perwerde kerdî.

Hêzê Pawitişê Cimatkî yê Cinîyan (HPC-Jin) yo ke pawitişê şarê  Vakur û Rojakewtena Sûrîye de rolo gird kay keno, roja ronayîşê xora bi Hêzê Asayîşî yê YPG û YPJ’yî vera çeteyan vernîya sefan de  xover dano.  Reyna HPC-Jinî yo ke xo her mehle de organîze kerdo, şarî 24 saete paweno.Rojawan de 2015 ra nata şar bi komîteyanê cîya-cîya xo organîze keno. Na çarçewe de HPC-Jinî zî  2’ê Tebax a 2016’î de konferansê xo ya verên viraşt û bi nameyê HPC-Jinî tabûrê xo awan kerdî.  HPC-Jin Vakur û Rojakewtena Sûrîye de perwerdeyê xopawitişî û sîlehî da 18 hezar û 692 cinîyan. Reyna 219 cinîyan zî HPC-Jinî ra perwerdeyê îdeolojîkî girewt. Endamê HPC-Jinî heme mehleyanê Vakur û Rojakewtena Sûrîye de nobete tepişenê, nuqtayanê kontrolî de yê û operasyonanê vera çeteyan de vernîya cepheyî de cayê xo gênê.