Dayîkê tepişteyanê ke semedê baleantişê rewşa domanê xo yê ke vera tecrîdê serê Ocalanî grevê vêşanîye de yê vernîya Zîndanê Gebze de waşt ke çalakîya xo rê dewam bikerê la polîsan destûr înan nêda.
Merdimê tepişteyanê ke domanê înan zîndan de semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye de vernîya Zîndanê Gebze de dest bi çalakîya roniştişî kerdebi rixmê heme hêrişan polîsan çalakîya xo rê dewam kenê. Dayîkan waşt ke roja 17’ine ya çalakîya roniştişî rê dewam bikerê la polîsan desût înan nêda
Dayîkan vera tewirê polîsanê keyfî de reaksîyon da. Dayîkan vera ablûqa polîsan hêrsê xo ard ziwan û va: ‘‘ Ma nê ê ke tecewuz qija 5 serrî kenê destûr înan medenê. Polîsanê ke waşt ke dayîkan bizor binişnê wesayîtan destûr nêda rojnamegerî zî dimenan biancê. Dîmenê ke muxabîra Yewîya Mucadeleyî Serpîl Unale antebî hete polîsan ra ameye esteritene. Dayîkê ke bi zor vernîya zîndanî ra ameyî berdene ard ziwan ke ê do heta peynî paştî bidê domananê xo.
