Komîteyê Sulhî yê pabesteyê meclîsanê cinîyan halkerdişê problemanê cinîyan de rolêkê muhîmî kay kenî. Nê komîteyan ra yew zî ya herêma El-Cezratî ya.

Komîteya Sulhî ya Meclîsê Cinîyan ê El-Cezratî yê Dêrazorî 15ê Çileya 2018î de ameye ronayene. Komîte roja ronayîşî ra nat semedê cinîyan bîya merkezê çareserkerdişê probleman.

Komîte wextêkê serrêkê ra tayî de xeylî gureyî bi serkewtişî temam kerdî. Komîteya ke 5 endamê ci estî dewayê ke ci rê yenê bi her di hetan zî razîkerdişî çareser kenî.

Zafê ci mîras, zewajê serranê qijan û meseleyê zereyê keyeyî ra 600 muracatî ameyî kerdene û înan ra 450 dewayî ameyî halkerdene.

Endamanê Îdareyê Meclîsê Cinîyan ra Şehrezad El-Casime ard ziwan ke cinîyanê Dêrazorî zaf tengayî antî û nika ê problemanê xo bi xo hal kenî.

Endama Komîteya Sulhî  Emîne El-Hîsêne zî da zanayene ke ê heta ke dest ra yeno her di hetan dir zî pêdîyayîşan virazenê û bi razîkerdişê her di hetan probleman çareser kenî la dewayê ke ê nêeşkenî hal bîkerî înan zî teslîmê dozgerîye kenî.