Endamanê Kongreya Starî û ê dezgehanê sivîlan bi wesîleya 8ê Adare Roja Cinîyan ê Kedkaran a Dinya Baxçeyê 4ê Nîsane yê Taxa Şehîd Xebatî de 100 leyê daran nayî ro.

Cinîyan aktîvîte de kincê tradîsyonelî xo rê dayî û posterê Ocalanî kiriştî. Îdarekaranê Komîteya Ekonomî yê Derîkî ra Wefa Elî 8ê Adare Roja Cinîyan ê Kedkaran a Dinya ya pêro cinîyan fîraz kerde û vat: ''Cinîyan tarîx de û pêro şorişan de xo ver da.'' Wefa îfade kerd ke heta ke Rayber Apo azad bibo ê do têkoşînê xo dewam bikerê. Qiseykerdişan ra dima 100 leyê daran ameyî ronayene.