Endama Komîteya Merkezê PKK’yî Dîlzar Dîloka ke ANF’yî rê qisey kerd nê vatî:

''Tirkîya de dewletêka kontraye esta  û aqilo ke ewro yeno rayraberdene ê na dewleta kontraye yo. Qirkerdişanê ke bi destê Demîrel, Çîller, Agar û Gureşî Kurdistan de dest pêkerd, dewleta kontraye aver berd.  Ewro pîya bi serokkomarî  temsîlkare heme dezgehan bi nê mantiqê dewleta kontraye  têgêrenê. Têgêrayîşê Azadîye yê Kurdistanî seba ke Tirkîya nê aqilî ra xo bixelisno xeylî firsatî dayê înan. Tewr peynî de vengdayîşê Rayber Apoyî zî nê firsatanê tarîxîyan ra yew bi. La aqilo kontra vernîya naye girewte. Ewro Kurdî yenê înkarkerdene. Heme dezgehê dewlete bi heman mantiqî têgêrenê. Estbîyayîşê xo serê çînkerdişê Kurdan ra pêanê.

Polîtîkaya Qirkerdişî ya Vera Kurdan Tirkîya rê Dana Vînîkerdene

Vînkerdişê Tirkîya yo tewr gird heme welat kerdişanê vera Kurdan normal vîneno. Şar terseno ke vera naye bivejîyo. Tirkîya de her roje kuçeyan de merdimî yenê qetilkerdene. Cinîyî yenê letekerdene. Domanî raştê tecawuzî yenê. Ê ke heme erjê madî û manevî yê dewlete diznayî saltanatê xo domnenê. Dezgehê dewlete ê  ke nan nêvînenê kewenê înan dima. Sîyasetê qirkerdişî bi normal. Şarê Tirkîya hînî tersî ra çîyêk nêkeno, her çî rê milê xo çewt keno. Nê heme netîceya dewleta kotnraye de vejîyaye werte.  No mergêk o. Cuya nebatkî yo. No mergî ra beter o. AKP- MHP aqilê dewleta kontraye bica ano û no Tîrkîya rê dano vînîkerdene.

Ganî  Vera Qeyûman Çalakîyê Kîtlekî Bêrê Viraştene

Ewro bi nameyê demokrasîyî çalakîyî yenê viraştene. Vera faşîzm nê çalakîyî qîm nêkenê. Nê çalakîyan ramot ke yê ke tewrê çalakîyan benê biqerar ê ke wayîr erjanê xo vejîyenê û şaredarîyanê xo ra ranêverênê. La ganî nê çalakîyî gird bî, kîtlekî bî. Xora muxatabê nê hêrişan HDP yo.Coka ganî ê her hetê Tirkîya de çalakîyan virazê. Kurdistan de ganî her kes vera zîhnîyetê qeyûmî wirzo payan ser. Kurdan tena raye nêda. Semedê azadîye ganê xo da. Zeman da, emir xo da, ewladê xo yê tewr erjayeyî sey bedelî dayî. Coka ganî xoverdayîş bêro xurtkerdene. Cinîyê ke tewr zaf raştê hêrişan yenê ganî vernîya nê xoverdayîşî de cayê xo bîgêrê. Bi xurtkerdişê mucadeleyî faşîzm do vînî bikero. Hedefê faşîzmî de tena Kurdî çîn ê. Eke faşîzm birijîyo do her kes ser bikewo.‘‘