Şaristanê Dusiburgî yê Almanya de rayberîya Meclîsê Cinîyan ê Şehîde Asya de vizêr vera şîdetî serê cinîyan çalakîyêke ameye organîzekerdene. Çalakîyeka reya 10. ameye kerdene şîdetê vera cinîyan ame protestokerdene.

Çalakîya de bi nameyê Meclîsê Cinîyan ê Şehîde Asya Amara Tolhildan û bi nameyê Têgêrayîşê Cinîyan ê Kurdan zî Reşane Yildirim qisey kerd.

Qiseykerdişan de ame vatene ke her roje welatanê cîya cîyayan de cinîyî zirar vînenê û yenê qetilkerdene ke ganî verê nê bêro girewtene. Cinîyan vera şîdetî hêrsê xo ard ziwan û veng da cinîyan ke wa xoverdayîşê xo pîlêr bikerê.

Çalakî de semedê tewrbîyayîşê çalakîya ke do 11ê temmuze de semedê protestokerdişê hêrişê îşxalî yê dewleta tirke  bêro kerdene ame vengdayene.