Fatma Tokmake ke xeylî nêweşîyê ci estî û bîlaheq zindan de yena tepiştene bînşewe nêweşxaneyî rê ameye sewqkerdene.

Avûkata Tokmake Eren Keskîne bale ante rewşê Tokmake ser û va: ‘‘Fatma Tokmake bi lajê xo Azado 2,5  serrî ya  îşkence dî û ameye tepiştene. Fatma  sucêk nêkerdo bîlaheq nê sûcî ra cezaya girane girewte. Fatma nêweşê qelbî ya. Weqfê  Heqanê Merdiman raporê ‘zîndan de nêeşkena bimano‘ da ci la Sazîya Tipî ya Edlî raporê  ‘zîndan de eşkena bimano‘ da ci. Nika zîndan de gankêşe de ya. Wijdan, wijdan, wijdan.‘‘

Keskîne vist vîrî ke Tokmake nêweşê qelbî ya û va: ‘‘Bi sebebo ke tewqîfê Fatma birnaye yo, ma nêeşkenî aye zîndan de zîyaret bikerê. Tena merdimê ci eşkenî şorî. Ewro ma sey avûkatanê ci semedê vînayîşê aye muracat kenî.‘‘