Festîvala Kultur û Hunerî ya Cinîyan a 10ine 17ê nîsane de Qamişlo de bi aktîvîteyanê cîya-cîyayan do bêra kerdene. Endama Komîteya Amadekarîye Fîryale Çolî pare kerd ke festîvale seba ğğêro cinîyan firsendêk a.
Festîvala Kultur û Hunerî ya Cinîyan a 10ine 17ê nîsane de Qamişlo de bi aktîvîteyanê cîya-cîyayan, Parka Azadî de do bêra kerdene. Festîvale do 19ê nîsane de biqeda
Endama Komîteya Amadekarîye û Hemsereka Komîteya Kultur û Hunerî Fîryale Çolî derheqê babete de ajansê ma rê qisey kerd.
Fîryale da zanayene ke cinîyê ke Rojawanî ra nîyê zî yenê festîvale û armancê festîvale averberdişê cinîyan o.
Fîryale vat: ‘’Ma wazenê ke na festîvale şaristananê bînan ê Rojawanî de zî bikerê. Emser festîvale Qamişlo de ya. La xeylê cayan ra cinîyî wazenê ke tewrê na festîvale bibê. Wextê verê ma de festîvale do Kantonê Firatî de bêra serûberkerdene. Ma do nê têkoşînê cinîyan rê dewam bikerê ke pêro cinîyan rê bibê sembolê azadîye.’’
