Cinîyî herêma Tîmonye ya bajarê Saratovî de ameyî têhet û tecrîdkerdişê Rayberê Şarê Kurdî Abdullah Ocalanî şermezar kerd.

Endama Meclîsê Cinîyan ê Tîmonye Bahar Yusubova wareyê çalakîye de qisey kerd û  vat, “Hêzê mîyanneteweyî ganî goş bidê watişanê çalakwananê grevê vêşanîye ser.”

Yusubova vat, “Seba ke tecrîdê Rayberê ma bêro wedaritene û çalakîyê grevê vêşanîye bêrê qedênayene, ganî her kes goreyê berpirsîyarîya xo bikewo mîyanê têgêrayîşî. Sere de endama timî ya Neteweyê Yewbîyayeyî Rûsya, heme Neteweyê Yewbîyayeyî ganî vera polîtîkaya qilêrin a dewleta Tirk a faşîste vinderê.”