Parlamentera HDPyî ya Edeneyî Tulay Hatimogullari  derheqê tecrîdo girankerde ke Raberê Şarê Kurdî Abdullah Ocalanî ser o yeno domnayene de  ANFyî rê qisey kerd.

Hatimogullari tecrîd sey îxlalkerdişê heqan ê girdan ra hesibna û va: ‘‘ Birêz Ocalan 19 serrî yo binê tecrîdî de yo û demê peyênî de binê tecrîdî de yeno tecrîdkerdene. Ne merdim ne zî avûkatê ci eşkenî ey bivînî. Heto bîn ra xeberê cezayê disîplînî zî yenî. Çîyo winayên nîno qebûlkerdene.‘‘

Hatimogullari qiseykerdişê xo rê wina dewam kerd: ‘‘Senî ke Tirkîya de huqûq yeno binlingangirewtene Ewropa zî nê sucî rê hempar bena. Mehkemaya Heqanê Merdiman ya  Ewropa (MHME) bi qerarê xo yê peyênî ramot ke ê zî huqûqo raşt ca nêanî. Xora Komîteya Vernîgirewtişê Îşkenceyan (CPT) heta ewro hema hemverê tecrîdî de xebatêka raşte nêviraşta.‘‘

Hatimogullari qiseykerdişê xo wina qedîna: ‘‘Tecrîd sucê merdimîye yo û ganî gamêk cuwa ver bêro wedartene. Seke yeno zanayene hukmat Birêz Ocalanî dir sey muxatabêk dîyayîşî viraştî û nê demî de gamê erjayeyî ameyî eştene. La bi qeldayîşê masa hukmatî reyna şîdet vist dewre û mîyanê tecrîdî de tecrîd ame cakerdene. Ma tîya ra veng danê û vanê ke tecrîd wa cade bêro wedartene û meselayê kurdî bi dîyalogî bêro çareserkerdene.‘‘