Wexto ke ma resayî noqtaya peyêne komêka gerîlayanê ke dormeyê adirî de roniştbî ameyî verê ma. Mîyanê bêvengîya vewre de bi çayêk ma tewrê xoşebere bîyî. Derîla Devrane vat: ''Sirê koyan embazîye de nimitkî yo.'' û qala gerîla Nûşînda kerde ke pîya tewrê zaf çalakîyan bîyî. Wexto ke qala ci kerdêne fotografêk zî mojna.
Şukrane Cafrîya ke Amed de dadîya xo ra bîye û pîl bîye, vera dişmenîya dewlete ya kurdan resaye na bawerîye ke ganî çîyêk bêro kerdene û bire daye ke serra 2015î tewrê gerîlayan bîye. Şukrana ke dest pê cuyêka newîye kerde nameyê ''Nûşînda Amed'' da xo. Şukrane hînî gerîlaya YJA-Starî Nûşînda Amed a. Gerîla Nûşînda Amed bêters tewrê çalakîyan bîye. Serra 2018î de şerêkê vera artêşa tirke de bi çerî şer kerd û tewrê karwanê şehîdan bîye.

Gerîla Devrane wexto ke qala vîrameyîşanê Nûşînda kerde bale ante xîretanê ci yê seba vurnayîşî ser. Devrane bi nê hawayî qala tewirê aye yê çalakîyan de kerde û vat: ''Seba çalakîye amadekarîye amebî kerdene. Ma çar embazî kewtî rayîr. Ganî ma xeylêk şîyayene. Seba ke wisar amebi awa çemî berz bîye. Ma dizerrî bîyî ke çemî ra derbaz bibê yan ney, Nûşînda at: 'Wa her kes destê yewbînan bigêrê û ma çemî ra wina derbaz bibê.' Qerardarî û çêrîya aye zaf tesîrê ma kerd. Ma da peyê ci û çemî ra derbaz bîyî.''