Gerîlayanê cinîyan ê Rojhelatî bi merasîmêkê leşkerî û aktîvîteyanê cîya cîyayan 8ê Adare fîraz kerd. Endama Koordînasyonê KJARî Rojîne Hêja ke merasîm de qisey kerd veng da heme cinîyan ke wa vera tecrîdî têkoşînî xurt bikerê.
Gerîlayanê cinîyan ê Rojhelatî bi wesîleya 8ê Adare Roja Cinîyan ê Kedkeran a Dinya merasîmêko leşkerî û şayî organîze kerdî. Endam Koordînasyonê KJARî Rojîne Hêja, fermandaranê HPJyî ra Aryene Arî û Berfîne Denîz Gabar û endamê Koordînasyonê YJCPyî Sara Riha tewrê merasîmê leşkerî bîyî.
Rojîne Hêja ya ke merasîm de qisey kerd vat: ''Ma şexsê mîmarê têkoşînê xo Rayber Apo û şexsê Rosa Luksemburg, Clara Zetkîn Dayîka Egîde, Dayîka Taybet, Hemrîne Xelef de 8ê Adare heme cinîyan fîraz kenê. Ewro şexê Rayber Apoyî de vera cinîyan û kurdan şerêk yeno ray ra berdene. Yewbîyayîşê cinîyan eşkeno nê tecrîdî bişikno. Ganî cinîyî derûdorê Rayber Apoyî de adir ra çeber bê û xoverdayîşî gird bikerê. Semedê azadîya Rayber Apoyî ganî têkoşîn bêro xurtkerdene. Sîstem felsefeya Rayber Apoyî ra terseno, coka her hetî ra hêriş keno. Vera sîstemê faşîstî têkoşîno hempar hewce keno. Ganî cinîyî hêzê xo bikerê yew. Bitaybetî zî Rojhelatê Kurdîstanî û Îran de vera rejîmê faşîstî ganî xoverdayîşo hempar bêro kerdene.''
Badê qiseykerdişan bi aktîvîteyanê cîya cîyayan şayîya 8ê Adare heta şan dewam kerd.
