Hemleya Cengê Heftanînî mîyanê şert û mercanê giranan ê zimistanî de bi qerardarîyêka pîle dewam kena.

Gerîlayanê ke herêma Heftanînî de vera îşxalê dewleta tirke şer kenê ANFyî reyde qisey kerd. Gerîlaya YJA-Starî Arîne Hîlvan ard ziwan ke ê qerardar ê ke nêverdê îşxalkerî erdê Kurdîstanî de koyanê Kurdîstanî de bimanê û vat: ''No erd, nê koyî ê ma yê, erd namusê ma yo. Wezîfeyê ma yo ke ma welatê xo îşxalkeran ra bipawê. Ma hêzê xo yê tewr pîlî zî Rayberîye û şehîdan ra gênê.''

Hîlvane ard ziwan ke ê xo fedakarîye ra dûr nêgêne û îfade kerd ke Hemleya Cengê Heftanînî reyde ê do hêrişanê dewleta tirke berteref bikerê ke nameyê ci kerd 'Pençe 3'. Hîlvane da zanayene ke ê bi ruhê Vîyane, Çîçeke û Amara artêşa tirke ser o şorê û ney dewam bikerê. Hîlvane vat: ''Gerîlayî do bibê tersê zerrîya dîşmenanê faşîstan.''

Gerîlayanê YJA-Starî ra Rûkene Ezdan zî behs kerd ke dewleta tirke bi pêro hêzê xo yê şerî zî hêriş kena û xo xapînena ke gerîlayî do biqedîna û vat: ''Aslê xo de peynîya xo amade kenê. Se kenê wa bikerê şarê kurdî zî gerîla zî do nêqedê. Ma her wextî ra zêdêr qerardar ê. Seba ke cewab bidê prosesî ma do xo çîyêkî ra dûr nêgêrê.''