Meclîsê Cinîyan ê HDPyî do çarçewa Roja Cinîyan ê Kedkaran a Dinya ya 8ê Adare de şaristananê Vakurê Kurdîstanî de û Tirkîya de çalakîyan bikerê. Çalakîyî do bi sloganê ''Ma sey cinîyan azadîye de isrardar ê, têkoşîn de qerardar ê'' peynîya sibate de xeylêk şaristanan de dest pêbikerê.

HDP yewşeme endamanê Meclîsê Partîye yê cinîyan reyde ameyî pêser. Yeno pawitene ke kombîyayîş de Koordînasyonê Meclîsê Cinîyan û Vervatoxîya Meclîsê Cinîyan bêrê eşkerakerdene.

Meclîsê Cinîyan ê HDPyî xebatê xo yê Kurdîstanî û ê Têgêrayîşê Cinîyan ê Azadan (TJA) kerdî hempar.27ê sibate de rayberîya Platformê Cinîyan ê Dêrsimî de şayîyê 8ê Adare do dest pêbikerê.

Amed

28ê adare de seba cinîyanê tepişteyan kartî do bêrê erşawitene, 1ê adare de ni tewrbîyayîşê hemşaredaran derheqê pederşahîye de panelêk do bêro kerdene. Qezayanê Amedî Farqîn, Hêni, Bismil, Kayapinar, Yenîşehîr û Sûr de zî vilawekî do bêrê vilakerdene û venga cinîyan bêro kerdene ke tewrê nawnayîşî bibê. 4ê adare de dewa Yukari Turali ya Hêni de qerenfîlî do bêrê vilakerdene û wextê taştî de cinîyî do bêrê pêser. 8ê adare de Meydanê Îstasyonî de bi tewrbîyayîşê Hemsereka HDPyî Pervîne Buldan, Hemsereka DBPyî Salîha Aydenîz û Vervatoxa TJA Ayşe Gokkan do nawnayîşêk bêro kerdene.

Mêrdîn

28ê sibate de cinîyanê tepişteyan rê kartî bêrê vilakerdene, 3ê adare de cinîyî xebatkaranê tekstîlî do zîyaret bikerê û Stewr de şayîyêke bêra kerdene. 8ê adare de Artuklu, Qoser û Mehsert de cinîyî bêrê pêser.8ê adare de wekîle Pero Dondar zî do cinîyan reyde Qoser de bêra têhet.

Îstanbul

29ê Sibate de kargehê xopawitişî do bêro akerdene. 1ê adare de do  rayraşîyayîş bêro kerdene û vilawekî bêrê vilakerdene. 2ê de taştê cinîyan ra dima do vilawekî bêrê vilakerdene û cinîyanê tewpişteyan rê kartî do bêrê erşawitene. 6ê adare de taxa Nîsanca ya Fatîhî de do bi wesayîtan rayraşîyayîşêk bêro kerdene. 7ê adare de Marmaray de çalakîya zîncîrî do bêra kerdene. 8ê adare de bi tewrbîyayîşê wekîla HDPyî Zuleyha Gulum cinîyî do îskeleyê Kadikoyî de bêrê pêser û şan Taksîm de rayîrî ra şorê.

Îzmîr

5ê adare de Alîagaya Îzmîrî de cinîyî do bêrê pêser, derheqê 8ê Adare de qisey bikerê. 7ê adare de zî qezaya Bayrakliyî de cinîyî do bêrê pêser, qezaya Karabagî de do taştî bikerê û zîyaretê goranê ê cinîyan bikerê ke teqayîşê Garê Anqara de wefat kerdbi.8ê adare de qezaya Trobaliyî de qerenfîlî do bêrê vilakerdene, bi tewrbîyayîşê wekîle Serpîl Kemalbay panelêk do bêro kerdene.

Anqara

8ê adare de bi hemkarîya Platformê Cinîyan ê Anqara do nawnayîşêk bêro kerdene û dima rayraşîyayîşêk bêro kerdene.Şaristananê Vakurê Kurdîstanî Sêrt, Şirnex, Riha, Meletî, Semsûr, Dîlok, Êlih, Colemêrg, Mûş, Wan, Îdir, Agirî, Bedlîs, Qers de zî 8ê Adare bi bernameyanê cîyayan bêro fîrazkerdene.