Fermandaranê YJA-Starî ra Hêzile Ozgur ANFyî rê qisey kerd. Ozgure şexsê fermandarê pîlî Mahsûm Korkmazî de hemê şehîdê şorişî yad kerdî û nê vatî:

"Guleyo verên o ke Dîh û Şemzînan de ame eştene ewro Karadenizî ra heta Şaho, Dêrsimî ra heta Avaşînî, Amedî ra heta Zapî vila beno û xoverdayîş çend şino pîlêr beno. Gerîlatîya ke serê mîrasê 15ê Tebexe de aver şina ewro koyan û deştanê Kurdîstanî de îşxalkeran ra qesas yeno girewtene û ver bi serkewtişî gamê xurtî yenê eştene.

Ewro hêzê NATOyî teknîkê şerî û heme îmkananê madîyî dano dewleta tirke. Şerêko leymin yeno rayraberdene. Dewleta tirke û hemkarê ci nê şerî de wazenê bi konseptê îmhayî ser bikewê. Hêzê mîyanneteweyîyî goreyê menfeatê xo têgêrenê.  Rixmo ke DAÎŞ semedê heme merdimîye tehlukeyo pîl vera ey zî çekê sey nukleer, kîmyewî û fosforî nêameyî şuxulnayene. La gerîlayanê azadîye ke vera DAÎŞî şer kerd vera ci nê çekî yenê şuxulnayene la her kes bêveng o.

Ewro warê şerî de dişmen rixmê heme paştdayîşê ke ci rê yeno kerdene nêrasayo hesab plananê ke kerdî. Xoverdayîşê gerîlayan planê înan  pûç kerdî. Herêmanê Pawitişî yê Medya de şero giran est o. Gerîlayê Azadîye yê Kurdsîtanî derbanê pîlan danê dişmenî ro. Dewleta tirke vînîbîyayeyanê xo nimena û cenazayê ci yê ke destê gerîlayan de yê wayîrê înan nêvejîyena.

Leşkerê tirkanê ke nêeftanê şirê gerîlayan ser çekanê kîmyewîyan şuxulnenê û kutukan û qoricî û kontrayan wazenê bikewê tunelanê şerî. Dimenê nînan Gerîla TVyî de ameyî parekerdene. Gerîlayî bi îradeyê xurtî vera teknîkê modernî xo ver danê. Gerîlayî semedê serekwtişî ganê xo danê. No şer şerêko rehet nîyo. Embazî 24 saetî şertanê zehmetan de mîyanê şerê giranî de yê.

Warê Xoverdayîşî yê Şikefta Birîndara de skorsky dîya war û tanq ame îmhakerdene. Warê Xoverdayîşî yê  Memreşoyî yê Avaşînî de cayo ke dişmenî tede par operasyon kerd û vat înan tîya gerîlayî qeynayî de gerîlayan çalakîye kerde û şîyê meyîtanê leşkeran ser û  dest na çekanê înan ser. Xakurkê de her roje derbeyê pîlî dîyenê dişmenî ro. Zap û Metîna de, Botan de  gerîlayî bi xoverdayîşê xo zereyê leşkeranê tirkî de sendromo ke newe afernayo. Şer çend gird beno wa bibo gerîlayî do tim her cade têkoşînê xo bidomno.

Prosesê nê şerî de gerîlayê YJA Starî xeta fedayî û xoverdayoxe ya Zîlane û Bêrîtanan de şerî rê serkêşîye kenê.'' Ma do sey hêzanê HPG û YJA Starî xeta fedayîyî yê şehîdan de têkoşîn bikerê û ser bikewê. Ma soz danê ke ma do heta azadîya Rayberîye û Kurdîstanî wayîrê mîrasê şehîdanê xo vejîyê nê têkoşînî biresnê serkewtişî.''