Koordînasyonê KJKyî bi wesîleya serrgêra verêne ya  şahadetê  Jîna Emînî eşkerayîye daye û semedê xurtkerdişê têkoşînî veng da.

Eşkerayîya KJKyî de Jîna Emînî û êyê ke çalakîyanê serwedartişî de kuçeyan de ameyî qetilkerdene û îdam kerdene ameyî yadkerdene û nê ameyî vatene: ''Sey heme dewletanê-netewan  Komara Îslamî ya Îranî zî dişmenê cinîyan a.Wazenê ke cinîyan hem bikerê koleyê camêrdî hem zî bikerê koleyê dewlete. Seba ke Jîna Emînî waşt bi îradeyê xo wayîrê bedenê xo bivejîyo hetê rejîmê Îranî ra ameye qetilkerdene. Jîna Emînî koletîya ke Îran de şaranê kurd, fars, azerî û belucî rê yena ferzkerdene, qebul nêkerd, xover da û dewlete vera xoverdayîşî qirkerdiş kerd.

No xoverdayîşî netîceya têkoşînê ma yê Kurdîstanî yê hîrês serran de vejîya werte ke felsefeya  “Jin Jiyan Azadî”  afirna. Têkoşînê ma yo ke bi artêşbîyayîşê cinîyan, îdeolojîya cinîyan, partîbîyayîşê cinîyan, sîstemê konfederalî yê cinîyan û tewr peynî de bi perspektîfê jîneolojî bi pîl, her roje pîlêr beno û vila beno.  Serhildanê ke badê qetilkerdişê Jîna Emînî Îran de dest pêkerd û heme dinya de bi slogana “Jin Jiyan Azadî” vila bîyî mojna ke têkoşînê cinîyan senî xurt bîyo.

Têkoşînê Azadîye yê Cinîyan ê Kurdîstanî yo ke bi keda pîle ya Rayber Apoyî vejîya werte bingeyê felsefeya “Jin Jiyan Azadî” de ame ronayene û averşîyayene. Û têkoşînê ma yo ke dormeyê na slogane de yeno averşîyayene Kurdîstan, Rojehelatê Mîyanênî û Dinya de rayîrê têkoşînê cinîyan bewlî keno. Serhildananê vera şehadetê Jîna de reyna ame vînayene ke komel senî vêşanê azadîye yo û cinîyî serkêşê têkoşînî yê. Çalakîyan mojna ke merkezê çareserî têkoşînê azadîye yê cinîyan o.

Bi mîlyonna kesî wayîrê têkoşînê Jîna Emînî vejîyayî. Ewro ra tepîya zî ganî  wayîrê nê şehadetî û têkoşînê bivejîyê. No zî bi xoverdayîşê rêxisitinbîyayîşê kuçeyan beno. Çunke cinî û komelo ke ke rêxistinkerde nîyo nêeşkeno vera dewletan û camêrdê serdewstî xover bido. Cinîyî tim raştê qirkerdiş û tecawuzî yenê. Vera nê ganî xoverdayîşê cinîyan bêro xurtkerdene.

Ganî cinîyî her hetî ra xo aver berê, rêxisitin bikerê û sîstemê cuya demokratîke înşa bikerê ke xopawitişî aver berê. Çend şino şîdetê camêrdî bi çuyeyê dewlete zafêr beno.Coka ganî slogana “Jin Jiyan Azadî” bi çalakîyan sînordar mebo, ganî sey hêzêkî rayîrê têkoşînê cinîyan abikero. Ma veng danê cinîyan ke wa serrgêra şehadetê Jîna Emînî de  vejîyê kuçeyan, têkoşînê xurt bikerê û bibê yew.''