Keyeyî verê zîndanan de yê: Veng bidê azadîye!

Merdime tepişteyen vera tecrîdê Îmraliyî û çareserîya meseleya kurdan verê zîndanan de çalakîya "Veng bidê azadîye" daye destpêkerdene.

Tepişteyanê sîyasîyan 27ê teşrîna peyên a 2023yî de bi waştişê "Abdullah Ocalanî rê azadîye, meseleya kurdan rê çareserîye" dest pê grevê vêşanîye kerdbi. Tepişteyan 4ê nîsana 2024î de çalakîya xo kirişte merhaleya bîne. Tepişteyî nêvejîyenê pêvînayîşanê keyeyan û telefonî û mehkemeyan boykot kenê.

Merdime tepişteyan zî teber de bi waştişê azadîya Rayberê Şarê Kurdî Abdullah Ocalanî Nobeta Edaletî rayra berde. Keyeyan çalakîya xo kirişte merhaleya bîne. Merdimanê tepişteyan  Amed, Êlih, Îstanbul Îzmîr, Mersin û Adana de verê zîndanan de çalakîya "Veng bidê azadîye" daye destpêkerdene. MED TUHAD FED, TUAY-DER, OHD, DEM Parti, DBP, TJA û xeylêk kesî tewrê ci bîyî.

Amed

Amed de merdimê tepişteyan verê Zîndanê Kampusî yê Amedî de ameyî têhet. Polîsan merdimê tepişteyan girewtî binê ablûqa û destûr nêda rojnamegeran. Tepişteyan bi slogana “Bijî berxwedana zindanan”cewabê polîsan da. Seba ke çalakwanan onlugê  “Tecrîd sûcê merdimatîye yo” kerd piray polîsan vat ê destûrê çalakîye nêdanê. Çalakwanî bi slogananê xoverdayîşî qîrayî û bi çalakîya roniştişî û cinayîşê fîtikan tewirê polîsan şermezar kerd. Keyeyan abulûqaya polîsan de eşkerayîye daye.

Wekîla DEM Partî ya Amedî Adalete Kaya ke eşkerayîye wende, semedê hîsgêrîye veng da  û vat: “Waştişê tecrîdî waştişê şerî yo. Wedaritişê tecrîdî têna semedê tepişteyan nê semedê şaranê Tirkîya muhîm o. Coka ma vera tecrîdî têkoşîn kenê. Wa tecrîdê serê Rayberê Şarê Kurdî Abdullah Ocalanî bêro wedaritene ke şarê Tirkîya pîya bieşkê biciwîyê.”

Wekîlê DEM Partî yê Amedî Mehmet Kamaç zî vist vîrî ke merdimê tepişteyan seba ke vengê qijanê xo bidê eşnawitene çalakîye kenê û vat: “Çew nêeşkeno vera waştiş û tewirê dayîkan de vindero. Ma do tim paştî bidê dayîkan.”

Badê qiseykerdişan qirseyî bi çapik û slogananê  “Bijî berxwedana zindanan”  çalakîya xo qedînaye.

Bi eynî waştişê Îstanbul, Îzmîr, Adana û Mersin de zî verê zîndanan de çalakîya ameye kerdene.

Êlih 

Îstanbul

Îzmîr

Mersin

Adana