Koordînasyonê KJKyî pê eşkerayîyêka nuştekîye  êyê  ke tewrê kampanyaya azadbîyayîşê Zeynebe Celalîyan bîyî selam kerdî û waşt ke kampanya zêdêr aktîf biba. 

Eşkerayîya KJKyî wina ya:

''Rojhelatê Mîyanênî de têkoşînê azadîye yê cinîyan felsefeya Rayber Apoyî reysde geş beno, pîl beno. Pê Şorişê Rojawanî zî xoverdayîş û çêrîya cinîyan ê kurdan hetê pêro dinya ra ameyî dîyene. 

Îran û Rojhelatê Kurdîstanî de cinîyan tim têkoşînê azadîye de cagirewt û ê her tim bîyî rayber3e averşîyayîşan.1979 ronayişê rejîmê Îslamîye ra nata cinîyî uja de binê sîstemê serdestîya camêrdan de ciwîyenê. Rejîm bi hawayêkê zorbazî nêzdîyê cinîyan benê. Cinîyî sey asta nizme dîyenê.

Zeyne Celalîyan serra 2007î ra nata Îran de tepişte ya. Rejîmê Îranî ci rê îşkenceyê fîzîkî û psîkolojîkî kenê. Embaze Zeynebe her tim vera nê kerdşan xo ver da. Her çiqas nê serran de çime û cigêranê aye de nêweşîyî zî estê xoverdayîşê aye dewam keno. Tewr peyêne Zeynebe zîndanê Xoyî ra ameye girewtene û erşawîyaye Zîndanê Kirmanî. Zeynebe vera zîndanan 20ê hezîrane ra nata grevê vêşanîye de ya.

Hetê bînî ra aktîvîste Suheyla Hîcaba ke çeleyê 2018î de tepişîyaye, 16ê hezîrane ra nata grevê vêşanîye de ya.

Mamostaya kurdkî Zara Mihemeda 29 serre  23ê gulana 2019î ra nata tepişte ya û ci rê cezaya zîndanî ya 10 serran ameye dayene.

Cinîyê kurdî seba ke hem cinî yê hem zî kurd ê di qat îşkence vînenê. Komara Îslamî pê nasnameyê înan ê sîyasîyî nêzdîyê nê cinîyan ê tepişteyan bena. Wazenê ke cinîyî tim keye de bimanê, xzimetê camêrdan bikerê. Nê cinîyanê tepişteyan no nêzdîbîyayîş red kerd û gêrayî seba azadîye. 

Ma sey KJK ê kesanê ke tewrê kampanyaya azadbîyayîşê Zeynebe Celalîyan bîyî, selam kenê. Ganî na akampanya aktîfêr biba. Ma venga pêro pawitoxanê heqanê cinîyan, rêxistinan û rayaumûmîya demokratîke danê ke vengê xo berzêr bikerê.

Seba veradayîşê pêro cinîyan ê tepişteyan ê Îranî sere de şarê kurdî pêro şarê Îranî ganî aktîfêr bibê û çalakîyanê seba Zeynebe Celalîyan, Zara Mihemed û Suhelya geş bikerê.

Ma venmga pêro cinîyan ê fars, acem, kurd, belûc, armenî, şîî, sunnî, yarsanan danê ke pîya têkoşîn bikerê, cuya azaf û dmeokratîke awan bikerê. Ma pê bawer ê ke cinîyî têkoşînê xo bi hawayêkê xurt, qerardar û rikdarî bikerê. Ma înan rê serkewtişanê pîlan wazenê.''