KJKyî derheqê peymana mabênê Iraq û PDKyî ya seba Şingalî de eşkerayîyêke daye.

Eşkerayîya KJKyî wina ya:

''Mabênê PDK û hukmatê Iraqî de Şingalî ser o peymanêke ameye îmzakerdene ke na peymane yena manaya qirkerdişan ê neweyan. Bi nê hawayî reyna vera Şingalî bêbextîye ameye kerdene. Na peymane de ke serrgêra Komployê Mîyanneteweyî de ameye îlankerdene, seba şarê ma, cinîyan, şaranê Rojhelatê Mîyanênî û merdimîye mesajî estê.

Şarê Şingalî şaranê tewr qedîman ê Rojhelatê Mîyanênî ra yew o û vera 73 fermanan xo ver dayo. Qirkerdişo tewr xirab û wehşî yê seserra 21. de vera êzidîyan hetê DAÎŞî ra amebi kerdene.Wextê nê qirkerdişî de Şingal binê pawitişê hêzanê PDKyî de bi. Pêşmergeyan bi fermanê PDKyî Şingal war verda û remayî. La gerîlayanê PKK, PAJK, HPGyî bi îdeolojîya Rayber Apoyî Şingal destê cergan ra xelisna.

Şingalo qedîm bi xîretanê gerîlayan ame pawitene û şingalijî agêrayî wareyê xo. Şingalijan dima artêşa xo, meclîsê xo nayî ro û îdareyo xoser awan kerd. Cinîyanê Şingalî binê sîwana YBŞ, YJŞ, Meclîsê Îdareyê Xoserî yê Şingalî, Meclîsê Cinîyan ê Şingalî de xo rêxistin kerd û Şingal newe ra awan kerd.

Hêzanê ke nêwazenê kurdî bibê serdest, 9ê teşrîna verêne de peymanêke îmza kerde. Bi na peymane reyna Şingalî rê bêbextîye ameye kerdene. Na peymane de ke serrgêra Komployê Mîyanneteweyî de ameye îlankerdene, seba şarê ma, cinîyan, şaranê Rojhelatê Mîyanênî û merdimîye mesajî estê. Ma reyna anê ziwan ke ma na peymane qet qebul nêkenê. Ma na peymana gemarine şermezar kenê.

PDKyo ke serra 2014î de êzidîyî war verdayî û remayî herinda ke xo rexne bikero û paştî bido xoserîya Şingalî hukmatê Iraqî reyde peymanêka ke yena manaya qirkerdişêkê neweyî, îmza kerde. Na peymane têkilîya PDKyî ya bi dewleta tirke û Iraqî mojnena. PDK vera kurdan û cinîyan têkilîyanê  dişmenkeran kena. La aya raşte ganî îdareyê Şingalî  destê şingalijan de bimano. Nêzdîbîyayîşo edaletin û wijdanin no yo. Êyê ke Şingal de xerîb ê, nê hêz ê ke na peymane îmza kerda. Ganî Şingal bibo xoser, xo bipawo û îdare bikero.

Ma sey cinîyan ê kurdan reyna rayaumûmîye rê danê zanayene ke na peymana gemarine qebul nêkerê û vera ci pê pêro hêzê xo têkişîn bikerê.

Ma zanenê ke Şingal de cinîyê êzidîyî sey şehîdan Nazê Naif Kaval, Nujîyan, Bêrîvan Şenga seba ke erdê xo bipawê do xo ver bidê. Tewirê Nazê Naif Kaval do bibo tewirê pêro cinîyan ê êzidîyan.

Cinîyê Şingalî, şarê Şingalî do na peymane qet qebul nêkerê. Nê esasî ser o ma selam kenê nê xoverdayîşê tarîxî û çalakîyan.

Şarê ma yê Şingalî ganî yewîya xo bihêzêr bikero, tewirê xo yê xoverdayîşî aver bêro û pîl bikero.

Cinîyan qet xo vîrî ra nêkerd û ê do nêkerê ke cinîyê êzidîyî bazaran de ameyî rotene, maruzê tecawuzan mendî, kişîyayî. 

Ma bingeyê Hemleya 'Vera qirkerdişê cinîyan komel û cinîya azade bipawê' ya KJKyî ser o vera qirkerdişê cinîyan û polîtîkayanê şerê taybetî xo ver bidê û Rayberê xo, Kurdîstan, cinîyan û merdimîye azad bikerê

Ma çarçewa na hamle de sere de cinîyanê Başûrî venga pêro cinîyan ê kurdan, Rojhelatê Mîyanênî û dinya danê ke wayîrê Şingalî vejîyê, paştî bidê ci û çalakîyan bizêdînê.

Şar û cinîyê Şingalî têna nîyê. Ganî Şingal hetê şingalijan ra bêro îdarekerdene.''