Kordînasyonê KJKyî eşkerayîyêke daye û vat:''Ganî cade CPT heyetêk bierşawo Îmrali û keye û avûkatî Rayber Apoyî reyde pêvînayîş bikerê.'' KJKyî îfade kerd ke heta ke pêvînayîşê nêro kerdene çew meydanan terk nêkero.

Eşkerayîya KJKyî wina ya:

''Rayberê ma Abdullah Ocalan Îmrali de hetê îqtîdarê faşîstî yê AKP-MHPyî ra  bi serran o ke sey rehîne yeno tepiştene û binê tecrîdêkê giranî de yo. 7ê tebaxe ra nata Rayberê ma reyde pêvînayîş nêame kerdene. Muracatê seba pêvînayîşî ameyî redkerdene. 

Şewatê Îmraliyî hetê dişmenê kurdî Wezîrê Karanê Zereyî ra dayîya zanayene. Na rewşe ne avûkatan rê ne zî keyeyî ra nêameye vatene. Dewlete eşkera nêkerd ke no şewat senî vejîya, rewşa weşîye ya Rayber Apoyî senîn a, kamî no şewat plan kerd. Na rewşe îsbat kena ke îqtîdarê AKP-MHPyî bêcidîyet o û bi hawayêkê bêmesûldarî têgêreno. No serebûtê şewatî ma pêroyînan zaf qerqilneno.

Nê esasî se ro sere de CPT ma venga pêro dezgehanê heqanê merdiman, sîyasetmedaran, huqûqnasan û rayaumûmîye danê ke wezîfeyê xo bîyarê ca. Ganî CPT cade heyetêk bierşawo Îmrali û bikero ke Rayber Apo keye û avûkatanê xo reyde pêvînayîş bikero.

Asayîşê ganê Rayber Apoyî asayîşê ganê şarê kurdî yo. Ganî seba ke rewşa weşîye ya Rayber Apoyî bêra zanayene avûkatî cade şorê Îmrali. Heta ke Rayber Apoyî ra xeberêke nêgêrê ganî şarê ma, cinîyî, ciwanî û dostê ma meydanan terk nêkerê. Heta ke meseleyê weşîye, asayîşî û azadîye yê Rayber Apoyî nêrê çareserkerdene têkoşîn û xoverdayîş bêrê xurtêrkerdene û dewamkerdene.''