Koordînasyonê KJKyî bi wesîleya 8ê Adare Roja Cinîyan ê Kedkaran a Dinya eşkerayîyêka nuştekîye weşanaye.

KJKyî bi wesîleya 8ê Adare pêro cinîyanê şehîdan rê Clara Zetkîn û Rosa Luksembûrgan ra heta Sakîne Cansiz, Delale Amed, Zeynep Kinaci, Gulnazw Karataş, Sema Yuce, Şîlan Kobanê, Şîrîn Elemholî, Leyla Qasim, Binevşe Agal, Arîne Mîrkan, Viyane Soran, Armance Goşkar, Çîçeke Kurtalan, Şevîne Bîngol, Avesta Xabûr, Hewrîne Xelef, dayîkan Akîde û Taybete, cinîyanê çar paçeyanê Kurdîstanî rê, cinîyanê Rojhelatê Mîyanênî rê selam kerd.

Eşkerayîya KJKyî wina ya: ''Cinîyê Rojhelatê Mîyanênî sey Şorişê Rojawanî de seba çarserîya krîzanê dinya bîyî aktorê girîngî û kewtî dewre. PAradîgmaya camêrdan îflas bîye. Hînî paradîgmaya cinîyan ê azadîwaşteyan hîna zêdêr yena famkerdene. Cinîyî xo vera şerî û çinbîyayîşî pawenê û wayîrê azadîya xo vejîyenê. Ma sey cinîyan wayîrê nê hêzî yê ke îşxal û faşîzm vindarnê, verê hîşmendîya serdeste bigêrê ke na hîşmendîye dişmenîya cinîyan kena.

Potansîyelê cinîyan o ke pêro dinya de rayberîya cinîyan de ame awankerdene û werişt payan ser, hêzê ci yê vurnayîşî esto. Asta unîversale de ma eşkenê têkoşînê xo pîl bikerê û vurnayîşan bîyarê ca. KJK do têkoşînêkê şorişgêrî û radîkalî yê vurnayîşêkê bingeyînî yê komelî serra 2020î de so pîlêr bikerê. Seba ke ma serra 2020î de  destkewteyanê pîlan bivisnê destî û armancê xo bîyarê ca ma do perspektîfê têkoşînê serrêka newîye bi 8ê Adare weşêr bikerê.

Firsendê seba awankerdişê konfederalîzmê cinîyan, enternasyonalîzmê cinîyan her wextî ra zêdêr virazîyayî. Nika ra eşkera yo ke 8ê Adare ya emserî vera tewirê pederşahîye, serdestîya camêrdan, hêzanê emperyalîstan û asîmîlekeran do bitesîr biba.

Coka ma venga pêro cinîyan danê ke her ca de tewirê xo bi hawayêkê girseyî û radîkalî bimojnê.

Rastîya Rayberê Şarê Kurdî Abdullah Ocalanî estbîyayîşê cewher û azadîya şarê kurdî ya. Ma nêzdîbîyayîşê xo yê vera tecrîd û îşkenceyê Îmraliyî reyna 8ê Adare de meydanan de bimojnê. Şarê Rojhelatê Mîyanênî, şarê dinya û pêro cinîyî pê bawer ê ke ê eşkenê pê Rayber Apoyî azad bibê.

Vengdayîş

Ma venga pêro cinîyan, ciwananê kurdan, şarê ma danê ke çarçewwa hemleya 'Seba vurnayîşî û azadîye ti zî wurze payan ser' 8ê Adare de verê xo bidê têkoşînî. Nameyê KJKyî ser o ma do bi şîarê 'Têkoşînê cinîyan xobîyayîş o, xoverdayîş o, azadî yo' rastîya cinîyan bi serkewtişî tacîdar bikerê. Ma pê bawer ê ke şarê ma cewabêkê tewr xurtî vera Erdoganê DAÎŞîjî meydananê 8ê Adare de bido.

Nê esasî ser o ma pê bawer ê ke cinîyê kurdî yê ke rayberîya paradîgmaya demokratîke, ekolojîke û azadîpawitoxê cinîyan kenê sey hêzê rayberî yê Yewîya Cinîyan a Rojhelatê Mîyanênî ya Demokratîke 8ê Adare de do rolê xo bîyarê ca û ser bikewê.''