Koordînasyonê KJK’yî derheqê domana 5 serrî ya ke 23’ê Nîsane de Kuçukçekmece yê Stenbolî de ci rê tecawuz ame kerdene de eşkerayîyêk dayê û nê pare kerdî:

''Vera tecawuzî çalakîyê protestoyî ameyî viraştene. La hêzê hukmatê faşîstî hêrişê çalakwanan kerd û çalakîyî sey provokasyon name kerdî. Îqtîdaro faşîst yê AKP-MHP’yî reyna karekterê xo yo tecawuzkar, paştgêrê qirkerdişê cinîyan û camêrd-serdestî ramojna. Yeno zanayene ke wextê AKP’yî de qirkerdişê û tecawuzê vera cinîyan zêdîyayî. No tecawuz hetê kam ra beno wa bibo peynîya ci dest û zîhnîyetê îqtîdarî yo leyşin esto. Hukmato faşîst roja verêne ra polîtîkaya dişmenîye ya azadîye, komel cinî û domanan  dana domnayene. La demo peyên de vera cinî û domanan şidet û tecawuzî zaf zêdîyayî. Nê zî rîyê polîtîkayanê îqtîdarî yê xeletan ra yenê ciwîyayene. Nê qewimîyayîşê sey îstîsmar namekerdiş zî xelet o. Vatişê îstîsmarî babete şenik keno. No îstîsmar nê tecawuz o. Bi naye wazenê ke cuye ya cinîyan û domanan tarî bikerê. Bi polîtîkayanê tecawuzî wazenê komel wa  biterso û bin bikewe o.  Meclîsê Şaredarîya Stenbolî de ame waştene ke seba seypêyîye cîsîyetî û vera maddeyê heşberdoxî komîsyonêk bêro ronayene la endamanê meclîsê AKP’yî no red kerd. Talîmatê nê zî Erdogan dayo. Na tena polîtîkaya Stenbolî nê, polîtkaya îqtîdarî ya Tirkîya ya. Seba ke vera ci muxalefet çîn bo, komel, cinî û ciwanan sey hedef gênê. Komel yeno helisnayene. Ganî vera naye heme şarê Tirkîya yew bê û xoverayîş gird bikerê.‘‘