Koordînasyonê KJK’yî bi wesîleya Roşanê Karker û Kedkaran ê 1’ê Gulane eşkerayîyêk daye û bale ante serê rolê cinîyan ê mucadeleyê karkeran.

Eşkerayîya KJK’yî de nê ameyî vatene:

“Sere de yê cinîyan ê ke afernayoxê keda cimatkîye yê, ma Roşanê Karkeran ê 1’ê Gulane yê heme kedkaran pîroz kenê, ma heme şorişgêranê ke na roja 1’ê Gulane açarnaya sembolê azadîye, demokrasî û yewîya şaran silam kenê. Heman wextî de ma ê şehîdanê sosyalîstanê ke oxirê nê çîyî de ganê xo dayê bi hurmet bi vîr anê.

Cinîyê ke barê tewr giranî yê medenîyetî kirişnenê, timî bîyê cins, sinif û neteweyê ke tewr sere de ameyê eciqnayene û rastê tacîzê sîstemê kapîtalîstî ameyê. Ma 1’ê Gulane yê serra 2019’î zerrîya Rojakewtena Mîyanêne Kurdistan de bi mucadeleyê hîrayî yê azadîya cinîye û yê demokrasîyî pêşwazî kenê.

Cinîyê kedkar û karkerî yê ke heme perçeyanê Kurdistanî de hemverê sîstemê medenîyetê kapîtalîstî de cewabê tewr manîdarî danê, çarçewaya teorîya modernîteya demokratîke de cehd kenê ke sosyalîzmê demokratîkî awan bikerê. Faşîzmê AKP-MHP’yî yo ke Tirkîya de dêzo tewr müphem ê sîstemê kapîtalîstî yo, rixmê hêrişanê ci de cinîyî bi hemleya tarîxîye ya ‘Ma tecrîdî bişiknê, faşîzmî birijnê û Kurdistanî azad bikerê’ qerardar ê ke Rayber Apoyî dir azad biciwîyê.

Ma sey KJK veng danê heme cinîyan û hetanê kedkaran ke bi qerardarîya ‘Heqê maye heqê wetenê azad û demokratîkî yo’ 1’ê Gulane de vejîyê meydanan. Cinî û mayê Kurdan xeta welatperwerîye ya fedakare ya ke hetê Leyla Guvene ra ameya bewlîkerdene rê wayîr vejîyayî. Tîya ra tepîya zî heta ke netîce bêro girewtene qerardar ê ke mucadeleyî bêvindartiş bidomnê.

Sere de cinîyê kedkarî yê Tirkîya û sinifa karkere û heme wayîrê kede, ma veng danê her kesî ke welatê ma yo ke rejîmê faşîstî bi talanê ekonomîkî û polîtîkaya şerî ardo dereceya qedîyayîşî rê wayîr vejîyê û cuya azade ya pîya awan bikerê.”