Mirta Acuna De Baravallaya ke ronayoxanê Plazo De Mayo ra yew a, vizêr dinyaya xo bedilnaye. KJKyî seba aye mesajê serweşîye weşana.

Mesajê KJKyî wina yo:

''Ma vizêr bi xemgînîyêke eşnawit ke Mirta Acuna De Baravella şîya rehme. Ma şexsê aye de seba pêro cinîyan ê têkoşeran ê Arjantînî û dadîyanê Plaza De Mayo serweşîye wazenê. Ma dejê înan pare kerd. Embaza ma Mirta 1977 ra heta 1ê teşrîna peyêne ya 2024î têkoşîn kerd. Wextê cuntaya Arjantînî de hêverî cinîyan vera binpaykerdişê heqan bi rayîrê Plaza De Mayo xo rêxistin kerd. Nê dadîyanê ke doman û tornê înan destî ra şîyê, seba ke aqîbetê înan bimusê têkoşîn kerd û ê raştê neheqîyanê pîlan ameyî. O xoverdayîş û îrade îlham da têkoşînê şaran zî.

Birêze Mirta dotanîya xo bi şarê Kurdîstanî, bi taybetî Mayanê Şemeyî de dewam kerde. Rixmê hendê têkoşînî zî a nêeşkaye aqîbetanê tornanê xo bimusa la têkoşînî ra apey game nêeşte. Înan bi çêrî û perwerîya xo mîrasê xoverdayîşî yo fîraz aferna. Vera zorbaz, dîktator û faşîstan înan xeyalê xo yê azadî, edalet û heqîqatî vindî nêkerdî. Ma ewro sey têgêrayîşê cinîyan ê kurdan teqîbkerê dadîyanê sey Mirta yê. Ma do her hela têkoşînê xo de xeyalanê xo yê seba cuyêka edîle û azade pîlêr bikerê.

Ma do qetî dosta xo ya ercîyaye Mirta xo vîr a nêkerê. Ma do xeyalanê aye bîyarê ca û têkoşînê xo de vîrameyîşê aye bipawê. Ala ci ya xoverdayîşî destê ma de ya.

Ma do bi berzkerdişê laçîka xo ya sipîye, dewaya edaletî qetî bîyarê ca.''