Koordînasyonê KJKyî bi eşkerayîyêka nuştekîye gerîlayê ke çalakîya Şemzînanî viraştebî yê pîroz kerdî.

KJKyî da zanayene ke hêrişê qirkerdişî yê îqtîdarê faşîstî yê AKP û MHPyî ke çar perçeyê Kurdîstanî de bitaybetî zî wisar ra Rojawan, Şengal û Wareyê Pawitişî yê Medya de yenî kerdene, bi na çalakîya biheybete veng ameyî vetene.

Eşkerayîye de ame vatene ke çalakîya Şemzînanî ke bi hemleya taktîkî ya newî ya gerîlayanê HPG-YJA STARî ya ameya viraştene ramot ke bi afernayîşê gerîlatîya seserra 21. hêrişê hêzanê serdestan pûç yenî vetene.

Koordînasyonî gerîla sey temînatê azadîya Rayberê Şarê Kurdî Abdullah Ocalanî û şarê kurdî name kerd û vat ke gerîla do bi qerarîya mucadelekerdişî serkewtiş dest bifîno.

KJKyî vat: ‘‘Na çalakîya ke şexsê fermandarê serkewtişê dewrî hemra Atakan, raybero gird yê êzidîyan Zekî Şengalî û fermandara girde ya gerîlatîya cinîyan Medya Nawa de semedê qesasê heme şehîdan ameya viraştene ma pîroz kenî û mucadeleyê înan de înan rê serfirazîye wazenê.”