Komîsyonê Cinîyan ê Kongreya Neteweyî ya Kurdîstanî (KNK) bi wesîleya 8ê Adare Roja Cinîyan ê Kedkaran a Dinya eşkerayîyêke weşanaye.

Eşkerayîya KNKyî wina ya:

''Bi hezaran serran o ke vera hîşmendîya pederşahîye xoverdayîş û têkoşînê cinîyan dewam kenê. Cinîyî tewr zaf dewirê kapîtalîzmî de û sîstemê netewe-dewlete de erjan û azadîya xo ra ameyî dûrvistene.

Her tim bi kolkerdişê cinîyan komel cinîyî seba caardişê menfaatanê xo sey hacetêk xebitnayî. Heta ke cinîyî azad nêbê komel zî azad nêbeno.

Ewro Kurdîstan de û Rojhelatê Mîyanênî de her cayê dinya de vera erjanê merdiman şerêk yeno kerdene. Nê şerî de tewr zaf cinîyî û domanî dej ancenê. Her dewirî de cinîya azade û destkewteyê ci rastê hêrişanê serdestan yenê.

Têgêrayîşê Azadîye destpêkê têkoşînê xo ra heta nika girîngîyêka pîle daye seba azadîya cinîyan. Binê sîwana Têgêrayîşê Azadîye de vera hîşmendîya kahanpereste û pederşahîye xoverdayîşêko bêhempa hetê cinîyanê azadan ra ame kerdene. Bi têkoşînê cinîyan ê sey Sakîne, Rojbîne, Ronahî, Zîlan û Arînan têkoşînê cinîya azade ewro resa safhayêka tewr berze. Ma pê bawer ê ke no têkoşîn yewîya şaran awan bikero û aramî û têdûştîye bîyaro ca.

Şorişê Rojawanî zî nê esasî ser o ame kerdene. Şorişê Rojawanî heman wextî de sey Şorişê Cinîyan pêro dinya de yeno naskerdene û verarkerdene.

Bi fedakatî ô xoverdayîşê pêro cinîyanê Rojawanî têkoşînê azadîye yê cinîyan ewro resa astêkê berzî. Ma sey KNK 8ê Adara 2020î yê pêro cinîyanê dinya fîraz kenê û seba mendekerdişê destkewteyanê ke bi bedelanê giranan ameyî destvistene vengdayîşê têkoşînî kenê.''