Kongreya 8. ya Kongreya Starî ya ke bi şîarê ''Bi têkoşînê Hevrîne û Zehrayan îşxalan birijnê û şorişê cinîyan bîyarê ca.'' Rimêlanê herêma Cizîre ya Rojawanî ameye kerdene 300 delegeyî tewrê ci bîyî.

Kongre de qiseykerdişê akerdişî Hemvervatoxa Kongreya Starî Evîne Siwêdî kerd. Swêdî bale ante xoverdayîşê Rojawanî yo ke serkêşîya cinîyan de yeno rayraberdene ser û vat: ''Ma do îşxalî biqedînê û Sûrîyeya azad û demokratîke awan bikerê.''

Dima Fermandara YPJyî Zeynebe Efrîn kongre fîraz kerd û vat: ''Seba ke xoverdayîş bireso serkewtişî cinîyan her dewr de têkoşîno pîl da û her cayo tke tede yê bedilna. Ma pê bedelanê pîlan heta nika ameyî û ewro şorişî ser o plan û projeyî yenê kerdene. Ma do bi bi heme hêzê xo  herre û cuya xo bipawê.''

Hemsereka Meclîsê Rayberdişî yê Îdareyê Xoserî Bêrîvane Xalîd zî vist vîrî ke vatişê 'Şorişê Rojawanî Şorişê Cinîyan o' têna slogane nêyo û vat: ''Heme şaran ra cinîyan pêro pîya morê xo da binê şorişî ro.''

Badê qiseykerdişan xoverdayoxê cinîyî yê ke şehîd bîyî ameyî yadkerdene. Dima derheqê xebatanê Kongraya Starî de sînevîzyon ame ramojnayene. Kongre de nuşteyê Rayberê Şarê Kurdî Abdullah Ocalanî yê derheqê cinîyan de ameyî wendene û falîyetê Kongraya Starî yê di serran ameyî ercnayene. Kongre bi vîjnayîşê koordînasyonê neweyî dewam kerde.