Kooperatîfê cinîyan ê Tirbêsipîyê yê ke bi hawayêkê giranî hetkarîya ekonomîyê komelî kenê, xebata kolektîfe ser o vindenê. Kooperatîfanê ke modelêkê xebate yê mîsalî awan kerd, kerd ke zaf dezgehan zî no model sey mîsal bigêrê. Hûmara kooperatîfanê cinîyan a herêma Cizîre resaye 16 heban. Kooperatîfan serra 2017î de Tirbêsipîyê de ameyî ronayene sebze ber anê û nêzdîyê 41 tonî sebzeyî erşawitî bazaran.

Kooperatîfê Sereyanê Rojawanî emser hetê 10 cinîyan ra Tirbêsipîyê de ame ronayene. Kooperatîf sebzeyê zimistanî û leyê sebzeyan romenê. Seba projeyî bi 500 donuman erazîyêk ame peydakerdene.

Cinîyan Rojawan de kooperatîfêko bîn zî awan kerd. Nê kooperatîfî de zî sebzeyî yenê berardene.

Îdarekara Komîteya Ekonomî ya Cinîyan Behîra Îbrahîm îfade kerd ke ê armanc kenê ke paştî bidê ekonomîyî. Behîra ard ziwan ke ê do paştî bidê nê projeyanê ke ser kewtî.

Endama Kooperatîfê Sereyanê Rojawanî Xedîce Ehmedî zî da zanayene ke endamê kooperatîfî bi hawayêkê kolektîfî xebatanê sey dermankerdiş, hesad, romnayîşî kenê. Xedîce vt ke ê serê sibayî rew dest pê karî kenê û bazaran de sebzeyanê xo bi vaya ercane roşenê.