Rêxistina Cinîyan ê Azadan a Kurdîstanî (RJAK) bi wesîleya Roja Cinîyan ê Kedkaran a Dinya ya 8ê Adare dewa Enzî de eşkerayîyêka çapemenîye daye û venga pêro cinîyan da ke tewrê şayîya 8ê Adare ya Qendîlî bibê.

Eşkerayîye hetê endama Encumena Têgêrayîşê Azadîye mamosta Qemere Resûl ra ameye wendene.

Eşkerayîye de ame vatene: ''Nameyê Rêxistina Cinîyan ê Azadan ê Kurdîstanî ma Roja Cinîyan ê Kedkaran a Dinya ya 8ê Adare ya rayberîya merdimîye Rayber Apo, ya pêro cinîyanê dinya û kurdan fîraz kenê.

Cinîyan heta ewro seba heqanê xo yê meşrûyan sey Kilara Zetkîn, Leyla Qasim, Sakîne Cansiz, Hevrîn Xelef, Ruheyv Silêmanî, Zîlan Pepule zaf şehîdî dayî. 

Ma venga pêro cinîyanê dinya û cinîyanê Kurdîstanî danê ke vera pederşahîye, kiştişî û îstîsmarî wayîrê tewirêkî û têkoşînî bibê.

Rayber Apo vano: Heta ke cinîyî azad nêbê komel azad nêbeno, azadîya cinîyan azadîya komelî ya. Averşîyayîş û rolê cinîyan bi fikr û felsefeya Rayber Apoyî resayî astêke. Coka ganî ma her ca de wayîrê Rayber Apoyî bivejîyê û azadîya xo bivisnê destî.''

Goreyê eşkerayîye şayîye 6ê adare de binê Koyê Qendîlî de dewa Derekotrî de do bêra kerdene.