Meclîsê Cinîyan ê HDPyî yê Dêrsimî  bînaya merkezî ya Dêrsimî de bi şayîyêke serrgêra 8. ya ronayîşê HDPyî fîraz kerde. Hemsereka HDPyî ya Dêrsimî Nurşate Yeşîl merasîmê şayîye de qisey kerd.

Nurşate Yeşîl eşkera kerd ke HDP partîya cinîyan a û vat: ''Tirkîya de reya verêne sîstemê hemserekîye bi HDP dest pêkerd. HDPyî têkoşînê cinîyan de xeylêk destkewteyî vistî destî. Ma no têkoşîn girewt xo milî û do embazanê bînan ê cinîyan rê dewr bikerê.''

Nurşate Yeşîl îfade kerd ke têgêrayîşê cinîyan ê HDPyî seba pêro komelî mîsal o û ard ziwan ke têkoşînê înan bêmabên do dewam bikero.

Merasîmê şayîye bi mojnayîşê sînevîzyonêkî qedîya.