Merve Demîrele, verê çend rojan wexto ke ameye destbendkerdene hetê polîsê Tirkî ra ameyebî tacîzkerdene. Reaksîyonê ke ameyî dayene ser o wezîrê karê zereyî yê Tirkî Suleyman Soylu tacîzî û tacîzkarî ra wayîr vejîya û kesê ke vera tacîzî tewir dayo zî tehdît kerdî.

Merve Demîrel a ke Ajansê Mezopotamyayî rê qisey kerd, ard ziwan ke asayîş keyeyê aye keno hedef û vat, “Na rewşe nêna qebûlkerdene. Nê welatî de kesêko wezîrîya zereyî keno nê tehdîtan bikero, nê tehdîtî cesretê girdî danê ê kesanê ke aqilwetî ra dûrî yê. Bi nê vatişan verê serebutanê hîna xirabinan akenê. Eke çîyêko xirab biqewimîyo verê nê senî do bigêrê, hesabê nê do senî biderê.”

Demîrele vat, “nika derdê mi teyna o yo ke seba vatişanê bira û keyeyê mi çîyêk yeno  înan ser. Peynîya peyêne de ez tersena ke çîyêk bêro mi û keyeyê mi ser.”