Têgêrayîşê Cinîyan ê Azadan (TJA) û Partîya Demokratîke ya Şaran (HDP9 bi wesîleya 8ê Adare Roja Cinîyan ê Kedkeran Meydanê Îstasyonê yê Amedî de mîtîngêk organîze kerde.

Mîtîngo ke do bi şîarê ''cinîyî têkoşînî rêxistin kenê û ver bi azadîye şinê'' bêro kerdene mabênê saetanê11:00 û 16:00î de do bêro kerdene. Hemsereka Pêroyî ya HDPyî Pervîne Buldan û vervatoxê TJA Ayşe Gokan do mitîng de qisey bikerê. Yeno pawitne ke do bi hezaran cinîyî tewrê mitîngî bibê. Merkez û qezayanê Amedî de bi vilawekan û anonsan semedê tewrbîyayîşê mîtîngî yeno vengdayene. Cinîyan vat ma do Meydanê Îstasyonî de bêrê pêser û ramojnê ke qala ma yê vatişî û hêzê ma yê bedilnayîşî esto.